دعاء فاروق تروي أصعب لحظات مرضها.. فيديو

04:12

2015-11-29

الشروق العربي- روت الإعلامية المصرية دعاء فاروق تفاصيل مرضها، وأصعب اللحظات التي مرت بها، خلال استضافتها ببرنامج “معكم” على قناة CBC.

دعاء روت ما حدث بقولها: “ كنت لابسة ومتشيكة ونازلة الشغل فدخلت الحمام أحط التاتش الأخير، فكان في حاجة مرشوشة على الأرض زحلقتني فاتخبطت في الحوض ووقعت على الأرض.. كانت وقعة سينمائية علشان بس الإنسان يعرف إنه ولا حاجة”.

وأضافت أنها لم تشعر بأي شيء في هذا الوقت: “قمت عادي خالص هي ازرقت بس مكان الوقعة فحطيت تلج عليها ومروحتش الشغل اليوم ده، نمت عادي وصحيت الفجر صليت وعملت ساندوتشات للأولاد ومكنش في أي حاجة”.

وتابعت: “نمت ساعتين قبل ما انزل صحيت لاقيتني في مرحلة الملاهي.. لاقية النجفة بتلف والدولاب مش في مكانه، فروحت المستشفى وكان ضغطي 70/50.. فافتكروا إن اللي حصل ده بسبب الضغط لكن بعد ما ظبطوه فضلت نفس المشكلة، فجابولي دكتور أنف وأذن لقى إن الأذن الوسطى سليمة، فجابوا دكتور مخ وأعصاب وشخص إن ده ارتجاج”.

أما عن أصعب اللحظات التر مرت بها قالت: “لما دخلت في مرحلة إني لما اقعد أقوم واقعة على جمبي أو على وشي زي البيبي.. في الأول كانت بتصعب عليا نفسي وكنت باعيط لكن بعد كده بقيت أضحك”.
أما عن العلاج فقالت: “ علاجه إني كنت أنام مستقيمة من غير مخدة، والدكتور قالي أسيب الموبايل برة والتليفزيون يتقفل والنور يتقفل وما اتحركش خالص”.