كلمة ابنة سلمى الصباحي في السجود تهز كيانها

05:15

2015-08-31

الشروق العربي- كشفت الإعلامية المصرية سلمى صباحي عن كلمة مؤثرة قالتها ابنتها لله، أثناء تعليمها الصلاة.

سلمى روت هذا الموقف بقولها: «في محاولاتي لتعليم “حلم” بنتي الصلاة بتلبس الطرحة وتقف على السجادة الصغيرة بتاعتها جنبي وانا اصلي بصوت عالي عشان هي تقول ورايا.. لما سجدت وقلت سبحان ربي الاعلى كان صوتي اوطى شويه لقيتها هي بتقول “بحبك يا رب عايزه العب معاك يا رب».

الإعلامية المصرية أكدت أن هذه الكلمة هزت كيانها وجعلتها تصمت لفترة، حيث قالت: «انا فضلت ساجده شويه متثبته وسكتت خالص بصراحه الكلمة هزتني جدا.. طفله ماكملتش 5 سنين اكتر حاجه بتحبها اللعب وعارفه ان ربنا جميل اوي وبتحبه فا عايزه تلعب معاه».

وأضافت: «ايه الجمال ده .. في تعبيرات ماتطلعش ابدا الا من الاطفال في منتهى العمق والتأثير.. خلصنا صلاه وحضنتها حضن كبير وقلتلها ربنا كمان بيحبك وهاتلاقيه دايما معاكي هايلعب معاكي ويطبطب عليكي ويقويكي ويضحكك ويخليلك بابا وماما وجدو وتيته وكل صحابك ويعملك كل حاجه حلوه عشان هو بيحبك».