الاربعاء, 23 يناير 2019, 15:10 مساءً
شريط الاخبار
بحث
ريهام سعيد تتهم فنانة شهيرة بتوريطها في قضية فتاة المول.. والأخيرة تفضح المستور
آخر تحديث:
13/01/2019 [ 23:17 ]
ريهام سعيد تتهم فنانة شهيرة بتوريطها في قضية فتاة المول.. والأخيرة تفضح المستور

الشروق العربي - اتهمت الإعلامية المصرية ريهام سعيد فنانة مصرية بأنها هي من تقف وراء تلفيق قضية “فتاة المول” لها، وذلك بعدما صرحت هذه الفنانة بأن المحامي الخاص بها هو من دافع عن فتاة المول ضد ريهام، لكنها في النهاية توسطت لدى الفتاة لتتنازل عن القضية.

ريهام أصدرت بيان، على حسابها الخاص على موقع “الفيس بوك”، كشفت فيه أن سما المصري أخذت منها مليون جنية وفتاة المول أخذت مليون آخر للتنازل عن القضية، حيث قالت: “بقالي ٤ سنين الناس ظالماني وعارفه أني لو قلت محدش هايصدق، وأنتي النهارده جيتي نصفتيني، اعترفتي قدام كل الناس أن أنتي إللي زقيتي عليا (فتاه المول) وعملتوا مقلب الصور عشان تاخدوا ٢ مليون جنيه أنتي مليون وهي مليون، شقايا وتعبي، ايوه دم قلبي ومش مسامحه فيه”.

وأضافت: “فكرة أني قعدت تحت رجليكي محصلش أنتي إللي كنتي جايه هاتموتي على الفلوس وكله متصور، متشكره أن أخيرا الناس هاتعرف أنتوا عملتوا فيا ايه، واتظلمت ازاي، أنا عمري ما أذيت نملة، أخيرا مصر كلها هاتعرف الحقيقه”.

واختتمت كلامها بقولها: “نصيحه اتقي الله عشان أخرتك وحشه اوي اوي، (ذرهم يخوضوا ويلعبوا حتي يلاقوا يومهم الذي يوعدون). صدق الله العظيم. في كل صلاه هادعي عليكي وعليها.. حسبي الله و نعم الوكيل من قلبي” .

ومن جانبها نفت سما صحة اتهام ريهام سعيد لها بأنها هي من حرضت فتاة المول ضدها، لكنها اعترفت أنها والفتاة حصلا بالفعل على أموال من ريهام كرد اعتبار لهما على إهانتها لهما.

سما قالت: “هو أنا اللي قلتلك انشري صورها؟ ولا انا اللي قلتلك اسرقي صورها من على تليفونها؟.. وموضوع أني أخدت فلوس منك.. طبعا أخدت منك فلوس تعويض عن إهاناتك ليا لما قولتي أني أخدت ١٠ الآف جنيه وماجتش البرنامج، أخدت منك بدل ال١٠ الاف أضعاف أضعاف الفلوس دي، وبتقولي أنك ماقعدتيش تحت رجليا عشان تترجيني اخلصلك الموضوع عشان ماتتحبسيش وانك مصوراني، طيب يلا انشري الفيديو عشان الناس تتفرج عليا وأنا زلاكي، ولما أنا متورطه ماروحتيش تشتكيني ليه ولا خايفه تتحبسي تاني؟؟”.

وتابعت: “هو السؤال بس أنتي دفعتي ليا فلوس أنا و(فتاه المول) ليه لما أنتي معاكي الحق؟، مش الغلابه كانوا أولى بالفلوس دي يابتاعة الغلابه؟، فرحانه انتي اوي أني قلبتك في فلوس ياحجه؟، ماهو أنا وراكي وراكي محدش هيفضحك غيري طالما أنتي بجحه كده يا بتاعت العفاريت، ولو أنا نصبت عليكي يبقي برافو عليا عقبال المره الجايه”.

وكانت قصة فتاة المول قد بدأت بعد أن استضافتها ريهام في برنامجها “صبايا الخير”، تحدثت الفتاة عن واقعة تعرضها للتحرش، وأبدت ريهام عدم اقتناعها بكلام الفتاة، لنفاجأ في حلقة أخرى من البرنامج بعرض صور خاصة للفتاة.

وخرجت الفتاة لتؤكد أن هذه الصور تم أخذها دون علمها أثناء تصوير الحلقة وكان هاتفها بالخارج، متهمة ريهام بالتعدي على خصوصيتها.

تعليقات الفيسبوك
تعليقات الموقع
ملفات خاصة
التصويت
الشروق تويتر
جميع الحقوق محفوظة لـ الشروق العربي
ALSHORUQ.NET © 2019